Колективното договарање продолжува да биде силна и значајна практика во прехранбената индустрија, претставувајќи клучен механизам за унапредување на работничките права и стабилноста на работните односи.

Во Млекара АД Битола беше потпишан нов, унапреден Колективен договор од страна на работодавачот, Одборот на директори, синдикатот на Млекара АД Битола и Претседателот на Агро-Синдикат, со што уште еднаш се потврдува заедничката посветеност кон заштита, почитување и континуиран развој на правата на работниците.

Новиот колективен договор носи подобрени услови за работа, зголемена сигурност и појасно дефинирани права и обврски. Со ова се зајакнува социјалниот дијалог како основа за одржлив развој и се поставува цврста и стабилна рамка за идни подобрувања и унапредувања.

Овој позитивен пример испраќа силна порака за важноста на партнерството и конструктивната соработка, поттикнувајќи и други компании во секторот да го следат овој пристап и да вложуваат во благосостојбата на своите вработени како предуслов за долгорочен успех.